109
తెలంగాణలో తొలిసారిగా విడుదలైన గ్రూప్‌-1 నోటిఫికేషన్‌కు మరో అంతరాయం కలిగింది. జూన్‌లో నిర్వహించిన గ్రూప్‌-1 ప్రిలిమ్స్‌ పరీక్ష ఫలితాలను తాత్కాలికంగా వాయిదా వేస్తున్నట్లు టీఎస్‌పీఎస్‌సీ ప్రకటించింది. ప్రిలిమ్స్‌ పరీక్ష రద్దు చేసి మళ్లీ నిర్వహించాలన్న పిటిషన్‌పై తెలంగాణ హైకోర్టులో విచారణ మంగళవారం జరిగిన నేపథ్యంలో ఈ ప్రకటన చేసింది.
కాగా, పిటిషన్‌పై కౌంటర్‌ దాఖలు చేసిన టీఎస్‌పీఎస్‌సీ వాదనలు వినిపించేందుకు సోమవారం వరకు సమయం ఇవ్వాలని ఉన్నత న్యాయస్థానాన్ని కోరింది. సోమవారం అడ్వకేట్‌ జనరల్‌ వాదనలు వినిపిస్తారని తెలిపింది. దీంతో అప్పటివరకు గ్రూప్‌-1 ఫలితాలు ఇవ్వబోమని హైకోర్టుకు వెల్లడించింది. ప్రశ్నపత్రాల లీకేజ్‌ వ్యవహారంతో గ్రూప్‌-1 ప్రిలిమ్స్‌ పరీక్ష రెండో సారి జూన్‌లో నిర్వహించిన సంగతి తెలిసిందే.
