టాలీవుడ్ సూపర్ స్టార్ మహేష్ ని తెరమీద చూసి చాలా కాలమే అవుతోంది. ఆయన చివరగా సర్కారువారి పాట సినిమాతో 2022లో ప్రేక్షకుల ముందుకు వచ్చాడు. లాంగ్ గ్యాప్ రావడంతో మహేష్ తదుపరి చిత్రం గుంటూరు కారం పైన అందరి దృష్టి పడింది. అయితే ఈ మూవీ షూటింగ్ ఎప్పటికప్పుడు ఆలస్యమౌతూ వస్తోంది. ఈ
ఏడాది ప్రేక్షకుల ముందుకు రావాల్సిన ఈ సినిమా వచ్చే ఏడాదికి వాయిదా పడింది. ఈ సినిమా ఆలస్యం కావడానికి కారణాలు చాలానే ఉన్నాయి. దీంతో ఫ్యాన్స్ డిసప్పాయింట్ అయ్యారు. మా హీరోని చూడటానికి అంతకాలం ఆగాలా అని ఫీల్ అవుతున్నారు. ఫ్యాన్స్ నిరాశకు గురికాకుండా ఉండేందుకు మహేష్ సోషల్ మీడియా లో యాక్టివ్ అవుతున్నాడు.
ఈమధ్య ఎక్కువగా పోస్టులు పెడుతున్నాడు. తాజాగా ఆయన తన సోషల్ మీడియా లో ఓ ఫోటో షేర్ చేశాడు. ఆ ఫోటో ఇప్పుడు ఫ్యాన్స్ ని విపరీతంగా ఆకట్టుకుంటోంది. చాలా డిఫరెంట్ గా కనిపిస్తున్నాడు మహేష్. కళ్లకు గ్లాసెస్, లైట్ గా గడ్డం, లాంగ్ హెయిర్ తో కనిపించాడు. ఈ లుక్ లో మహేష్ చాలా అందంగా కనిపిస్తున్నాడు.
ఆ ఫోటోకి క్యాప్సన్ గా కమింగ్ సూన్ అని పెట్టాడు. మరి అది సినిమా కోసమా లేక ఏదైనా వాణిజ్య ప్రకటన కోసమో తెలియాల్సి ఉంది. లుక్ మాత్రం క్యూరియాసిటీ పెంచుతోంది. గుంటూరుకారం సినిమా కి త్రివిక్రమ్ దర్శకత్వం వహిస్తున్నాడు. ఈ మూవీ లో ఆయనకు మరదలిగా శ్రీలీల నటిస్తోంది.
హీరోయిన్ గా మొన్నటివరకు పూజా హెగ్దే ను అనుకున్నారు. కానీ ఆమె ఈ ప్రాజెక్ట్ నుంచి తప్పుకుంది. తమన్ మ్యూజిక్ అందిస్తున్న ఈ సినిమాను వచ్చే ఏడాది ప్రేక్షకుల ముందుకు తీసుకురాబోతున్నారు. ఇటీవల విడుదల చేసిన గ్లింప్స్ కు సూపర్బ్ రెస్పాన్స్ వచ్చింది.
