సిద్దిపేట జిల్లా చేర్యాల మండలంలో వేచరేణి గ్రామంలో హృదయ విదారక ఘటన చోటుచేసుకొంది. వర్షాల కారణంగా ఉద్ధృతంగా ప్రవహిస్తున్న వాగును దాటుకుంటూ అంతిమయాత్రను నిర్వహించాల్సిన పరిస్థితి తలెత్తింది. దీనికి సంబంధించిన వీడియో ప్రస్తుతం నెట్టింట్లో వైరల్‌గా మారింది.
వివరాళ్లోకి వెళ్తే.. వేచరేణి గ్రామంలో నివసిస్తున్న బసవరాజ్‌ బాలయ్య అనారోగ్యంతో మృతిచెందారు. అయితే వాగు అవతల వైకుంఠధామం ఉంది. దీంతో దహన సంస్కారాల కోసం మృతుడి కుటుంబ సభ్యులు, బంధువులు వాగులో ఇబ్బందులు పడుతూ వెళ్లారు. వాగుపై వంతెన లేకపోవడంతో తరచుగా ఇబ్బందులకు గురవుతున్నామని గ్రామస్థులు వాపోతున్నారు. వెంటనే బ్రిడ్జి నిర్మించాలని విజ్ఞప్తి చేశారు.