పాన్ ఇండియా స్టార్ ప్రభాస్, ప్రశాంత్ నీల్ కాంబినేష‌న్‌లో హోంబలే ఫిలింస్ బ్యాన‌ర్‌పై రూపొందుతోన్న పాన్ ఇండియా మూవీ ‘సలార్ పార్ట్ 1: సీస్ ఫైర్‌’. మూవీ గురించి ప్రకటన వెలువడిన రోజు నుంచి ఫ్యాన్స్, ప్రేక్ష‌కులు ఎంతో ఎగ్జ‌యిట్‌మెంట్‌తో వెయిట్ చేస్తున్నారు. ఈ సినిమా టీజర్ ఈరోజు ఉద‌యం 5 గంట‌ల 12 నిమిషాల‌కు విడుద‌ల చేశారు..
అంద‌రూ ఊహించిన‌ట్లే ద‌ర్శ‌కుడు ప్రశాంత్ నీల్ త‌న యూనివ‌ర్స్ నుంచి థ్రిల్లింగ్ యాక్ష‌న్ కట్ ను వదిలాడు. భారీ బ‌డ్జెట్‌, భారీ తారాగ‌ణంతో రూపొందిన సలార్ మూవీ టీజ‌ర్‌లో ప్రేక్ష‌కుల‌కు క‌ళ్లు చెదిరే విజువల్స్ ను అందించింది. సలార్ యూనివ‌ర్స్‌లోని పార్ట్ 1కు సంబంధించిన టీజర్ మాత్ర‌మే ఇది. టీజర్ చూస్తుంటే, కేజీఎఫ్ ఛాయలు ఎక్కువగా కనిపిస్తున్నాయి.
ప్రశాంత్ కు బాగా ఇష్టమైన నలుపు, బూడిద రంగు కలర్ ప్యాలెట్స్ ఎక్కువగా కనిపించాయి. వీటికి ప్రభాస్ హీరోయిజం యాడ్ అయింది. అంతేకాకుండా.. సలార్ సినిమా 2 భాగాలుగా వస్తుందనే విషయాన్ని కూడా టీజర్ నిర్థారించింది. కేజీఎఫ్ కు పనిచేసిన సాంకేతిక నిపుణులే సలార్ సినిమాకు కూడా వ‌ర్క్ చేస్తున్నారు. రామోజీ ఫిల్మ్ సిటీలో ఈ సినిమా కోసం 14 భారీ సెట్స్ వేసి మ‌రీ చిత్రీక‌రించారు.
ప్ర‌భాస్‌తో పాటు పృథ్వీరాజ్ సుకుమార‌న్‌, శృతి హాస‌న్‌, జ‌గ‌ప‌తిబాబు వంటి భారీ తారాగ‌ణంతో ప్రశాంత్ నీల్ ఈ సినిమాను రూపొందిస్తున్నారు. సెప్టెంబ‌ర్ 28న తెలుగు, క‌న్న‌డ, హిందీ, మ‌ల‌యాళ, త‌మిళ భాష‌ల్లో ప్ర‌పంచవ్యాప్తంగా భారీ రేంజ్‌లో విడుద‌ల‌వుతుంది.
