3 సినిమాలతో ఇప్పటికే షటిల్ సర్వీస్ చేస్తూ మరో రెండు సినిమాలని చేతిలో పెట్టుకున్న ప్రభాస్ లేటెస్ట్ గా ఇంకో సినిమా చెయ్యడానికి రెడీ అవుతున్నాడు. స్టోరీ తనకి నచ్చితే చాలు డైరెక్టర్ ఎవరన్నది చూడకుండా సినిమాలకు ఓకే చెప్పేస్తున్న ప్రభాస్.. ఎక్కడా బ్రేక్ లేకుండా నచ్చిన సినిమాని నాన్ స్టాప్ గా చేస్తున్నాడు. ఇప్పటికే సలార్, కల్కి, మారుతి దర్శకత్వంలో సినిమాలతో బిజీగా ఉన్న ఈ పాన్ ఇండియా స్టార్.. సందీప్ రెడ్డి డైరక్షన్ లో చేయాల్సిన స్పిరిట్ ని స్టాండ్ బైలో ఉంచాడు. అలాగే బాలీవుడ్ డైరెక్టర్ సిద్దార్థ్ ఆనంద్ దర్శకత్వంలో ఓ సినిమా కూడా ఉంది.
ఇప్పుడు మలయాళం స్టార్ హీరో పృథ్వీరాజ్ సుకుమారన్ దర్శకత్వంలో ప్రభాస్ ఓ సినిమాకి రెడీ అవుతున్నట్టు న్యూస్ వినిపిస్తోంది. మలయాళ నటుడు, డైరెక్టర్ అయిన పృధ్విరాజ్ సుకుమారన్ డైరెక్షన్లో ప్రభాస్ సినిమా ఓకే అయినట్టు టాక్. ప్రశాంత్ నీల్ – ప్రభాస్ కాంబినేషన్లో తెరకెక్కుతున్న మాస్ యాక్షన్ ఎంటర్టైనర్ సలార్ లో పృధ్విరాజ్ సుకుమారన్ విలన్ రోల్ పోషిస్తున్నాడు. ఈ సినిమా సెట్స్ లోనే ఓ కథ చెప్పి, ప్రభాస్ ను ఒప్పించినట్టు తెలుస్తోంది.
మంచి పొటెన్షియల్ ఉన్న దర్శకుడు పృధ్విరాజ్. అంతకుముందు చేసిన లూసిఫర్, బ్రో డాడీ లాంటి సినిమాల్లో నటిస్తూ డైరెక్ట్ చేశారు పృధ్విరాజ్. ఈ సనిమాలు సౌత్ మొత్తం మంచి హిట్ అవ్వడంతో పృధ్విరాజ్ కి తెలుగులో కూడా మంచి క్రేజ్ క్రియేట్ అయ్యింది. దాంతో ప్రభాస్ రేంజ్ కి, ఇమేజ్ కి తగినట్టు సాలిడ్ స్టోరీతో పృధ్విరాజ్ స్టోరీ రెడీ చేసినట్టు, ఆల్రెడీ ప్రభాస్ కి స్టోరీ కూడా చెప్పినట్టు వార్తలొస్తున్నాయి.
ఈ మధ్య జానర్ ఏదైనా సరే స్టోరీకి ఇంప్రెస్ అవుతున్న ప్రభాస్, డైరెక్టర్ ఎవరైనా సరే ఓకే చెప్పేస్తున్నారు. అలాగే పృధ్విరాజ్ తో ప్రభాస్ సినిమా ఆల్ మోస్ట్ లాక్ అయినట్టే తెలుస్తోంది. ఇప్పటికే ప్రభాస్ పాన్ వరల్డ్ లెవల్లో కల్కి మూవీ చేస్తున్నాడు. నెక్ట్స్ సమ్మర్ కి బరిలోకి దిగబోతున్న కల్కి రిలీజ్ అయ్యాక.. పృధ్విరాజ్ తో ప్రభాస్ సినిమా స్టార్ట్ చేస్తారని తెలుస్తోంది. దీంతో మరోసారి ప్రభాస్ లైనప్, డిస్కషన్ పాయింట్ గా మారింది.
