హైదరాబాద్ నూతన పోలీస్ కమిషనర్‌గా సందీప్ శాండిల్యను నియమిస్తూ తెలంగాణ సీఎస్‌ శాంతికుమారి ఉత్తర్వులు జారీ చేశారు. ఆయన శనివారం నుంచి బాధ్యతలు స్వీకరించనున్నారు. గతంలో సైబరాబాద్‌ సీపీగా ఆయన పనిచేశారు. కాగా, తెలంగాణ ఎన్నికల నేపథ్యంలో ఎన్నికల సంఘం ఏకంగా రాష్ట్రంలో 20 మంది ఉన్నతస్థాయి అధికారులను బదిలీ చేసిన విషయం తెలిసిందే. హైదరాబాద్ సీపీ సీవీ ఆనంద్‌ సహా నలుగురు జిల్లాల కలెక్టర్లు, 13 మంది ఐపీఎస్‌ అధికారులను బదిలీ చేసింది. వారి స్థానంలో కొత్త వారిని నియమించాలని ప్రభుత్వానికి సూచించింది. ఈ నేపథ్యంలో రాష్ట్ర ప్రభుత్వం పంపిన జాబితా నుంచి ఈసీ కొందరిని సెలక్ట్‌ చేసి అధికారుల జాబితాను రాష్ట్రానికి పంపించింది.
IAS అధికారులు
రవాణా శాఖ ముఖ్య కార్యదర్శిగా వాణీ ప్రసాద్‌
రంగారెడ్డి కలెక్టర్‌గా భారతీ హోలీకేరి
మేడ్చల్‌ కలెక్టర్‌గా గౌతం
యాదాద్రి కలెక్టర్‌గా హనుమంత్‌
నిర్మల్‌ కలెక్టర్‌గా ఆశీష్‌ సంగ్వాన్‌
ఎక్సైజ్‌, వాణిజ్య పన్నుల శాఖ ముఖ్యకార్యదర్శిగా సునీల్‌ శర్మ
ఎక్సైజ్‌ కమిషనర్‌గా జ్యోతి బుద్ధప్రకాశ్‌
వాణిజ్య పన్నుల శాఖ కమిషనర్‌గా క్రిస్టినా
IPS అధికారులు
జగిత్యాల ఎస్పీగా సంప్రీత్‌ సింగ్‌
నిజామాబాద్‌ పోలీసు కమిషనర్‌గా కల్మేశ్వర్‌
సంగారెడ్డి ఎస్పీగా చెన్నూరి రూపేష్‌
కామారెడ్డి ఎస్పీగా సింధూ శర్మ
మహబూబ్‌నగర్‌ ఎస్పీగా హర్సవర్ధన్‌
నాగర్‌కర్నూల్‌ ఎస్పీగా వైభవ్‌ రఘునాథ్‌
జోగులాంబ గద్వాల్ ఎస్పీగా రితిరాజ్‌
మహబూబాబాద్‌ ఎస్పీగా పాటిల్‌ పంగ్రామ్‌సింగ్‌ గణపతిరావ్‌
నారాయణపేట్‌ ఎస్పీగా యోగేష్‌ గౌతమ్‌
భూపాలపల్లి ఎస్పీగా కిరణ్‌ ప్రభాకర్‌
సూర్యాపేట ఎస్పీగా రాహుల్‌ హెగ్డే
