పోలింగ్‌: ర్యాపిడో ‘ఫ్రీ’ రైడ్‌- కోడ్‌ ఏంటంటే?

తెలంగాణ అసెంబ్లీ ఎన్నికలు నవంబర్‌ 30న జరగనున్నాయి. అయితే ప్రముఖ రైడ్‌ షేరింగ్‌ సంస్థ ర్యాపిడో.. పోలింగ్‌ రోజు ఓటర్ల కోసం ఫ్రీ రైడ్‌ ఇస్తుంది. హైదరాబాద్‌లోని 2600 పోలింగ్‌ బూత్‌లకు ఉచిత రైడ్‌లను అందించనున్నట్లు ప్రకటించింది. ర్యాపిడో కెప్టెన్లంతా ఆ రోజు ఉదయం నుంచే సిద్ధంగా ఉంటారని తెలిపింది. రవాణా గురించి చింతించకుండా ప్రజలు సౌకర్యంగా ఓటు హక్కును వినియోగించుకోవడం కోసం, హైదరాబాద్‌లో ఓటింగ్‌ శాతం పెరగాలన్న లక్ష్యమే ఈ కార్యక్రమ ఉద్దేశమని ర్యాపిడో కో-ఫౌండర్‌ పవన్‌ గుంటుపల్లి తెలిపారు. మరి, ఈ ఫ్రీ రైడ్‌ ఎలా పొందాలంటే.. పోలింగ్‌ జరిగే 30న ర్యాపిడో యాప్‌లో ఫ్రీ రైడ్‌ డిటయిల్స్ కనిపిస్తాయి. ఆ తర్వాత పోలింగ్‌ బూత్‌ ఎక్కడుందో టైప్‌ చేయాలి. అప్లై కూపన్‌ కోడ్‌ ఉన్న చోట ‘వోట్‌ నౌ’ అనే వన్‌ టైమ్‌ కోడ్‌ను ఎంటర్‌ చేస్తే ఫ్రీ రైడ్‌ బుక్‌ అవుతుంది.