84
టాలీవుడ్‌లో డ్రగ్స్‌ కేసు కలకలం రేపుతున్న విషయం తెలిసిందే. ఈ కేసులో హీరో నవదీప్‌ ఉన్నట్టు వార్తలు వచ్చాయి. నవదీప్‌ను A29గా పేర్కొంటూ సీపీ సీవీ ఆనంద్‌ ప్రెస్‌మీట్‌లో వెల్లడించారు. అయితే పోలీసులు నవదీప్‌ అనే పేరు మాత్రమే చెప్పారని, యాక్టర్‌ నవదీప్‌ అని పేర్కొనలేదని హీరో నవదీప్‌ దీనిపై స్పందించాడు. ఈ కేసుతో తనకు ఎలాంటి సంబంధంలేదని వివరించాడు. కాగా, ఈ విషయంపై పెద్దఎత్తున చర్చ సాగుతుండగా.. హీరో నవదీప్‌ తెలంగాణ హైకోర్టును ఆశ్రయించాడు. ముందస్తు బెయిల్‌ ఇవ్వాలని హైకోర్టును కోరాడు. దీనిపై ఉన్నత న్యాయస్థానం విచారణ చేపట్టింది. ఈనెల 19వ తేదీ వరకు నవదీప్‌ను అరెస్టు చేయొద్దని మధ్యంతర ఉత్తర్వులు జారీ చేసింది.
