అక్కడ ఏ వస్తువైనా రూపాయే! ల్యాప్‌టాప్‌తో సహా..

అక్కడ ఏ వస్తువైనా సరే కేవలం రూపాయే. ఎసర్‌ ల్యాప్‌టాప్‌, హామ్లే బొమ్మలు, బ్రాండెడ్‌ దుస్తులు, ఇటాలియన్‌ క్రాకరీ సెట్‌, గ్రైండరు… ఇలా ఏ వస్తువు అయినా సరే అక్కడ రూపాయికే దొరుకుతాయి. ఇంతకీ అది ఎక్కడనుకుంటున్నారా? చండీగఢ్‌లోని RRR షాప్స్‌లో. మన ఎన్టీఆర్‌-రామ్‌చరణ్ నటించిన ఫేమస్‌ మూవీ నేమ్‌తోనే ఈ షాప్స్‌ ఉంటాయి. అయితే RRR అంటే.. రెడ్యూస్‌, రీయూజ్‌, రీసైకిల్‌. పనికిరాని వస్తువుల్ని మనం బయట పడేస్తుంటాం. కానీ అలాంటి వస్తువుల్ని అవసరం ఉన్నవారికి అందించాలని చండీగఢ్‌ మున్సిపల్‌ కార్పొరేషన్‌ ఓ ఆలోచన చేసింది. నగరవ్యాప్తంగా దాదాపు 40 షాప్స్‌ తెరిచి- వాడని వస్తువులను తమకి ఇస్తే వాటిని రీసైకిల్‌ లేదా రిపైర్‌ చేసి కొత్తవాటిలా మార్చేసి పేదలకు రూపాయికే ఇస్తామని ప్రకటించింది. అలాంటి వస్తువుల్ని సేకరించడానికి ప్రత్యేక డ్రైవ్‌లు కూడా చేపడుతోంది. వాటిని కొత్తగా మార్చి పేదలకూ, వలస కార్మికులకూ, విద్యార్థులకూ అందజేస్తున్నారు.