1.5K
ప్రపంచకప్‌ ఫైనల్‌లో భారత్‌ ఓటమిపాలవ్వడంపై పాకిస్థాన్‌ జట్టు ఫ్యాన్స్‌ సంబరాలు చేసుకోవడాన్ని గౌతం గంభీర్‌ తీవ్రంగా ఖండించాడు. ”అభిమాన జట్టు గెలిస్తే సెలబ్రేషన్స్‌ చేసుకోవాలి. అంతేకానీ ఇతర జట్లు ఓడిపోతే అలా చేయడమేంటి? అది మేనర్స్‌ కాదు, నెగెటివ్‌ యాటిట్యూడ్‌. ఈ విధానాన్ని వీడాలి. ఎట్‌లీస్ట్‌ స్పోర్ట్స్‌ రిలేటెడ్‌ విషయాల్లోనైనా ఇలా ఉండకూడదు. అయినా అలా చేస్తే ఏం యూజ్‌ ఉంటుంది? వచ్చే ఏడాది టీ20 ప్రపంచకప్‌ ఉంటుంది. ఆ టైమ్‌కు భారత్‌-పాకిస్థాన్‌ తలపడతాయి. అప్పుడు ఎవరో ఒకరు గెలుస్తారు. ఆ టైమ్‌కు చేసుకుంటే ఓ అర్థముంటుంది. కానీ ఇలా ఇతర టీమ్స్‌ ఓడిపోవడంపై సంబరాలు ఎప్పటికీ చేయకూడదు” అని పాక్‌ అభిమానులను ఉద్దేశించి గంభీర్‌ మాట్లాడాడు. అలాగే ఇతర జట్ల చేతిలో పాకిస్థాన్‌ ఓడిపోయినప్పుడు టీమిండియా ఫ్యాన్స్‌ కూడా పాక్‌ను ట్రోల్‌ చేయొద్దని అన్నాడు.
