సాయిధరమ్ తేజ్ సూపర్ హిట్ కొట్టాడు. విరూపాక్ష సినిమా ప్రపంచవ్యాప్తంగా హిట్టయింది. తెలుగు రాష్ట్రాలతో పాటు ఓవర్సీస్ లో ఈ సినిమా పెద్ద హిట్టయింది. తాజాగా యూఎస్ఏలో ఈ సినిమా మిలియన్ డాలర్ క్లబ్ లోకి చేరింది. బుధవారం అర్థరాత్రి నాటికి ఈ సినిమా 10 లక్షల డాలర్ల కలెక్షన్ సాధించింది.
సాయితేజ్ కెరీర్ లోనే ఓవర్సీస్ లో బిగ్గెస్ట్ హిట్ గా నిలిచింది విరూపాక్ష సినిమా. ఇప్పటివరకు ఈ హీరో కెరీర్ లో మిలియన్ డాలర్ మూవీ లేదు. విరూపాక్ష సినిమా ఆ లోటు తీర్చింది. మరో వారం రోజుల పాటు ఈ సినిమా ఓవర్సీస్ లో గట్టిగా ఆడేలా కనిపిస్తోంది.
ఈ వీకెండ్ పీఎస్-2, ఏజెంట్ సినిమాలొస్తున్నాయి. వీటిలో పీఎస్-2 విషయంలో తెలుగు ఆడియన్స్ కు పెద్దగా అంచనాల్లేవ్. ఏజెంట్ క్లిక్ అయితే మాత్రం విరూపాక్ష వసూళ్లపై ఆ ప్రభావం పడుతుంది.
ఇటు తెలుగు రాష్ట్రాల్లో కూడా ఈ సినిమా పెద్ద హిట్టయింది. నిన్నటి వసూళ్లతో కలుపుకొని ఈ సినిమా 23 కోట్ల 58 లక్షల రూపాయల షేర్ సాధించింది. త్వరలోనే ఈ సినిమా పాతిక కోట్ల రూపాయల షేర్ సాధించబోతోంది.
డిస్ట్రిబ్యూషన్ షేర్ పరంగా చూసుకుంటే.. ఓవర్సీస్ డిస్ట్రిబ్యూటర్లు ఇప్పటికే బ్రేక్ ఈవెన్ సాధించారు. ఈ వీకెండ్ కూడా ఫుల్ ఆక్యుపెన్సీ కనిపిస్తే, వాళ్లు డబుల్ ప్రాఫిట్ సాధిస్తారు. ఇక తెలుగు రాష్ట్రాల్లో చూసుకుంటే.. నైజాంలో ఈ సినిమా బ్రేక్ ఈవెన్ కు దగ్గరైంది. ఆంధ్రాలో కొన్ని ఏరియాల్లో బ్రేక్ ఈవెన్ సాధించింది విరూపాక్ష సినిమా. తెలుగు రాష్ట్రాల్లో ఈ సినిమాను 30 కోట్ల రూపాయలకు అమ్మారు.