213
తమిళ నటుడు సూర్య హీరోగా నటిస్తున్న పాన్ ఇండియా మూవీ ‘కంగువ’. శివ దర్శకత్వంలో తెరకెక్కుతోంది ఈ సినిమా. తాజాగా ఈ సినిమా షూటింగ్ తుది దశకు చేరుకుంది. శివ దర్శకత్వంలో రూపొందుతోన్న ఈ సినిమా షూటింగ్ చివరి షెడ్యూల్ థాయిలాండ్ లోని అడవుల్లో జరగనుండగా, ఇప్పటికే టీం అంతా అక్కడకు చేరుకుంది.
యూవీ క్రియేషన్స్, స్టూడియో గ్రీన్ సంస్థలు కలిసి నిర్మిస్తున్న ఈ మూవీలో దిశా పటానీ హీరోయిన్ గా నటిస్తోంది. 10 భాషల్లో ఈ సినిమాను రిలీజ్ చేసేందుకు మూవీ టీం ప్లాన్ చేస్తోంది. సూర్య కెరీర్ లోనే భారీ బడ్జెట్ మూవీగా తెరకెక్కుతోంది కంగువా సినిమా.
ఈ మూవీకి సంబంధించి ఇప్పటికే టీజర్, మోషన్ పోస్టర్ రిలీజ్ కాగా.. దానికి భారీ రెస్పాన్స్ వచ్చింది. ఈ సినిమాలో యోధుడిగా కనిపిస్తున్నాడు సూర్య. ఇదొక పీరియాడిక్ ఫిక్షన్ మూవీ. కెరీర్ లో ఈ జానర్ లో సినిమా చేయడం సూర్యకు ఇదే తొలిసారి.
