యంగ్ బ్యూటీ శ్రీలీల (Sreeleela) టాలీవుడ్ లో ఫుల్ స్వింగ్ తో దూసుకుపోతుంది. సీనియర్.. జూనియర్స్ స్టార్స్ అంటూ ఎవర్నీ విడిచిపెట్టడం లేదు. ఏ హీరోతో ఛాన్స్ వచ్చినా సై అని ముందుకెళ్లిపోతుంది. ఓవైపు హీరోయిన్ గా నటిస్తూనే మరోవైపు సిస్టర్ రోల్స్.. సెకెండ్ లీడ్ అంటూ కెరీర్ ని పరుగులు పెట్టిస్తుంది. అమ్మడి తాజా లైనప్ చూస్తే అంతా షాక్ అవ్వాల్సిందే. తెలుగులో ఏ భామ లేనంత బిజీగా ఉంది. డే బై డే సొగసరికి మార్కెట్లో మాస్ ఫాలోయింగ్ అంతకంతకు పెరిగిపోతుంది. స్టార్ హీరోయిన్ల లీగ్ కి అతి చేరువలో ఉంది.
‘గుంటూరు కారం’ (GunturKaaram)లో ఛాన్స్ అందుకోవడంతో కెరీర్ పరంగా మరో అడుగు ముందుకు పడింది. ఈ సినిమా హిట్ తర్వాత శ్రీలీల రేంజ్ మారిపోవడం ఖాయం. ఈ నేపథ్యంలో తాజాగా శ్రీలీల గురించి ఓ అగ్ర నిర్మాత చేసిన కామెంట్ ను నటుడు బ్రహ్మాజీ బయటపెట్టాడు. శ్రీలీల డాన్సులు బాగా చేస్తుంది. చాలా వేగంగా స్టార్ డమ్ అందుకుంది. ఆమె ఎనర్జీ లెవల్స్ చూస్తుంటే జయప్రద…జయసుద రేంజ్ కి వెళ్తుందని ఓ అగ్ర నిర్మాత, బ్రహ్మాజీతో అన్నాడట. స్లమ్ డాగ్ హజ్బెండ్ మూవీ ప్రమోషన్ లో ఈ విషయాన్ని బయటపెట్టాడు బ్రహ్మాజీ.
నిజంగానే శ్రీలీల ఆ రేంజ్ కు వెళ్తుందా అనేది కాలమే నిర్ణయిస్తుంది. ఎందుకంటే, ఇప్పుడున్న పరిస్థితుల్లో హీరోయిన్ల కెరీర్ చాలా చిన్నది. మొన్నటిమొన్న కృతిషెట్టి ఉప్పెనలా దూసుకొచ్చింది. ప్రస్తుతం ఆమె హవా తగ్గింది. పూజాహెగ్డే పరిస్థితి కూడా ఇంతే. సో.. శ్రీలీల వీళ్లలో కలిసిపోతుందా లేక కాజల్, తమన్నాలా ఏళ్ల తరబడి నిలబడుతుందా అనేది టైమ్ డిసైడ్ చేస్తుంది.