బాలీవుడ్ బాద్‌షా షారూక్ ఖాన్ మోస్ట్ అవెయిటెడ్ మూవీ ‘జవాన్’. హై యాక్షన్ థ్రిల్లర్‌గా తెర‌కెక్కుతోన్న ఈ భారీ బడ్జెట్ మూవీ ప్రివ్యూని సోమ‌వారం విడుద‌ల చేశారు. ఈ ప్రివ్యూ ఇప్పుడు ఇంట‌ర్నెట్‌ను షేక్ చేస్తోంది. స‌మాజంలోని త‌ప్పుల‌న స‌రిదిద్ద‌డానికి ఓ వ్య‌క్తి చేసే ఎమోష‌న‌ల్ జ‌ర్నీయే జవాన్ సినిమా అని ప్రివ్యూ చూస్తే అర్థ‌మ‌వుతుంది.
యాక్షన్ ప్యాక్డ్‌గా రూపొందిన జవాన్ మూవీ ప్రివ్యూ సినిమాపై ఉన్న అంచ‌నాల‌ను నెక్ట్స్ రేంజ్‌కు తీసుకెళ్లింది. జవాన్ ప్రివ్యూని గ‌మ‌నిస్తే షారూక్ వాయిస్ ఓవ‌ర్‌తో ప్రారంభం అవుతుంది. షారూక్ ఖాన్ డిఫ‌రెంట్ లుక్స్ అభిమానుల‌ను ఆక‌ట్టుకుంటున్నాయి.
షారూక్‌తో పాటు న‌య‌న తార, దీపికా ప‌దుకొనె, ప్రియ‌మ‌ణి వంటి భారీ తారాగ‌ణం.. సినిమాలో భారీ బ్లాస్టింగ్ స‌న్నివేశాలతో యాక్షన్ సీక్వెన్స్‌ ఆక‌ట్టుకుంటున్నాయి. మ‌రీ ముఖ్యంగా ‘ఈ మౌనం, ఈ బిడియం…’ అనే రెట్రో సాంగ్‌లో షారూక్ పెర్ఫామెన్స్ మెప్పిస్తోంది. జవాన్ సినిమాకు అట్లీ దర్శకుడు కాగా, అనిరుధ్ సంగీతం అందించాడు. షారూక్ కెరీర్ లోనే భారీ బడ్జెట్ మూవీగా వస్తోంది జవాన్.
రెడ్ చిల్లీస్ ఎంటర్ టైన్ మెంట్ బ్యానర్ పై స్వయంగా షారూక్ ఈ సినిమాను నిర్మిస్తున్నాడు. విజయ్ సేతుపతి ఓ కీలక పాత్రలో కనిపించనున్నాడు. ఈ ఏడాది అభిమానులు, ప్రేక్ష‌కులు ఎంతో ఆస‌క్తిగా ఎదురు చూస్తోన్న సినిమాల్లో జవాన్ ఒక‌టి. ప్ర‌పంచవ్యాప్తంగా ‘జవాన్’ చిత్రం సెప్టెంబర్ 7న హిందీ, తెలుగు, తమిళ భాషల్లో రిలీజ్ కానుంది.
పఠాన్ లాంటి బ్లాక్ బస్టర్ మూవీ తర్వాత వస్తున్న సినిమా కావడంతో, జవాన్ పై అంచనాలు రెట్టింపు అయ్యాయి. ఆ అంచనాలకు ఏమాత్రం తీసిపోని విధంగా జవాన్ ప్రివ్యూ రిలీజైంది.