జూన్ లోకి వచ్చేశాం. కొత్త కొత్త సినిమాలు క్యూ కట్టాయి. ఇందులో భాగంగా అహింస, నేను స్టూడెంట్ సర్ లాంటి సినిమాలు ఆల్రెడీ థియేటర్లలోకి వచ్చేశాయి. మరి జూన్ లో రాబోతున్న క్రేజీ మూవీస్ ఏంటి? సమ్మర్ కు ఫినిషింగ్ టచ్ ఇచ్చే హీరో ఎవరు? జూన్ మొదటివారం, అంటే ఈ శుక్రవారం.. అహింస, నేను స్టూడెంట్ సర్, చక్రవ్యూహం, పరేషాన్, ఐక్యూ, అభిలాష, బంగారు తెలంగాణ సినిమాలు థియేటర్లలోకి వచ్చాయి. వీటి రిజల్ట్ తెలియాలంటే, ఈ వీకెండ్ కంప్లీట్ అయ్యేంతవరకు ఆగాల్సిందే.
ఇక రెండో వారంలో టక్కర్, విమానం, అన్ స్టాపబుల్ సినిమాలు థియేటర్లలోకి వస్తున్నాయి. సిద్దార్థ్ హీరోగా నటించిన సినిమా టక్కర్. ఇక అనసూయ, సముద్రఖని నటించిన సినిమా విమానం. వీటితో పాటు డైమండ్ రత్నం చేసిన అన్ స్టాపబుల్ కూడా వస్తోంది.
ఇక మూడో వారంలో ఆదిపురుష్ వస్తోంది. ప్రభాస్ హీరోగా నటించిన ఈ సినిమాకు సోలో రిలీజ్ దక్కింది. వరల్డ్ వైడ్ గ్రాండ్ గా థియేటర్లలోకి వస్తోంది ఆదిపురుష్. ప్రస్తుతం అందరి చూపు ఈ సినిమాపైనే ఉంది. అంతేకాదు, ఈనెలకు మంచి ఫినిషింగ్ టచ్ ఇచ్చే సినిమా కూడా ఇదే అవుతుందనేది చాలామంది నమ్మకం.
ఈ సినిమాలతో పాటు జూన్ నెలలో మనుచరిత్ర, స్పై సినిమాలు కూడా థియేటర్లలోకి వస్తున్నాయి. నిఖిల్ హీరోగా నటించిన సినిమా స్పై. జూన్ 29న వస్తోంది ఈ మూవీ. ఎడిటర్ గ్యారీ, దర్శకుడిగా మారి ఈ సినిమాను తెరకెక్కించాడు. సుభాష్ చంద్రబోస్ జీవితంలోని సీక్రెట్స్ ను వెలుగులోకి తీసుకొచ్చేలా ఈ సినిమాను తీశారు.
సో.. ఈనెల్లో ఇలా కొన్ని క్రేజీ మూవీస్ క్యూ కట్టాయి. అయితే వీటిలో ఆదిపురుష్, స్పై సినిమాలపైనే ఎక్కువగా అందరి దృష్టి ఉంది.