మెగాస్టార్ చిరంజీవి మరోసారి మనందరిముందుకు వచ్చేస్తున్నారు. మరీ ముఖ్యంగా మాస్ స్టెప్స్ తో కిరాక్ అనిపించబోతున్నారు. మెగాస్టార్ హీరోగా, స్టయిలిష్ మేకర్ మెహర్ రమేష్ తీస్తున్న యాక్షన్ ఎంటర్‌టైనర్ “భోళా శంకర్” మోస్ట్ ఎవైటెడ్ మూవీస్‌ లో ఒకటి. రామబ్రహ్మం సుంకర భారీ బడ్జెట్‌ తో భారీ కాన్వాస్‌ పై రూపొందిస్తున్న ఈ చిత్రం షూటింగ్ లాస్ట్ స్టేజ్ లో ఉంది. ఈమధ్యే అంతా కలిసి స్విట్జర్లాండ్‌ కూడా వెళ్లారు. అక్కడ చిరంజీవి, తమన్నాపై బ్యూటిఫుల్ సాంగ్ షూట్ చేశారు. ఈ సినిమా ప్రమోషన్స్ త్వరలో ప్రారంభం కానున్నాయి. ముందుగా మ్యూజికల్ జర్నీ ప్రారంభిస్తారు. దీనికి సంబంధించి ‘భోళా మానియా త్వరలో ప్రారంభమవుతుంది’ అంటూ మేకర్స్ అనౌన్స్ చేశారు. అనౌన్స్ మెంట్ పోస్టర్ లో చిరంజీవి స్టైలిష్ గెటప్‌ లో రెండు చేతులను వెనుక జేబులో పెట్టుకొని చేసిన గ్రేస్ ఫుల్ డ్యాన్స్ మూమెంట్ ని రిలీజ్ చేశారు. ఈ సినిమాలో పక్కా మాస్ క్యారెక్టర్ పోషిస్తున్నారు చిరంజీవి. సో.. స్టెప్స్ కూడా ఉర మాస్ గా ఉండబోతున్నాయన్నమాట. మహతి స్వర సాగర్ ఈ చిత్రానికి చార్ట్‌బస్టర్ ఆల్బమ్‌ ని స్కోర్ చేసాడు. ప్రస్తుతానికి కొంత టాకీ పార్ట్, క్లైమాక్స్ షూటింగ్, భారీ సెట్ సాంగ్ పెండింగ్‌ లో ఉన్నాయి. జూన్ నెలాఖరకు సినిమా షూటింగ్ మొత్తం పూర్తవుతుంది. మరోవైపు సినిమాకు సంబంధించి పోస్ట్ ప్రొడక్షన్ వర్క్ కూడా ఫుల్ గా నడుస్తోంది. ఏ కె ఎంటర్‌టైన్‌మెంట్స్ బ్యానర్ పై అనీల్ సుంకర నిర్మిస్తున్న ఈ సినిమాలో తమన్న హీరోయిన్ గా నటిస్తుండగా.. చిరంజీవి సిస్టర్ క్యారెక్టర్ లో కీర్తిసురేష్ కనిపించనుంది. మరో హీరో సుశాంత్ లవర్ బాయ్ గా కనిపించనున్నాడు. ఇండిపెండెన్స్ డే ఎట్రాక్షన్ గా ఆగస్ట్ 11న వరల్డ్ వైడ్ గ్రాండ్ గా థియేటర్లలోకి వస్తున్నాడు భోశాశంకర్.