అఖిల్ హీరోగా సాక్షి వైద్య హీరోయిన్ గా దర్శకుడు సురేందర్ రెడ్డి తెరకెక్కించిన భారీ యాక్షన్ థ్రిల్లర్ “ఏజెంట్”. ఈ సినిమా విడుదలకు సిద్ధమైంది. ఈ సినిమా తర్వాత అఖిల్ చేయబోయే మూవీ ఏంటనేది ఇంకా ఫిక్స్ అవ్వలేదు. ఈ క్రమంలో పలు ప్రముఖ నిర్మాణ సంస్థలు అఖిల్ తో సినిమాలు చేసేందుకు సిద్ధంగా ఉన్నాయట. ఈ లిస్ట్ లో యూవీ క్రియేషన్స్ ముందువరసలో ఉంది. అఖిల్ తో ఈ నిర్మాణ సంస్థ, పెద్ద సినిమా ప్లానింగ్ చేస్తున్నట్టు తెలుస్తోంది. ప్రస్తుతం ఏజెంట్ ప్రమోషన్స్ లో బిజీగా ఉన్నాడు అఖిల్. ఈ సినిమా ఏప్రిల్ 28న గ్రాండ్ గా రిలీజ్ కాబోతుంది.
చాన్నాళ్ల కిందటే కెరీర్ స్టార్ట్ చేశాడు అఖిల్. కాకపోతే సెలక్టివ్ గా సినిమాలు చేస్తున్నాడు. మరీ ముఖ్యంగా సరైన హిట్ లేకపోవడంతో ఆచితూచి అడుగులేస్తున్నాడు. అందుకే సినిమాల విషయంలో తొందరపడడం లేదు అఖిల్. అవసరమైతే గ్యాప్ తీసుకోవడానికి కూడా రెడీ అనే విషయాన్ని అఖిల్ తాజాగా స్పష్టం చేశాడు.
ఏజెంట్ తర్వాత తన కెరీర్ నెక్ట్స్ లెవెల్ కు చేరుకుంటుందని భావిస్తున్నాడు ఈ అక్కినేని హీరో. తన ఆశలన్నీ ఈ సినిమాపైనే పెట్టుకున్నాడు. నిజానికి ఆల్రెడీ 2-3 కథలు విన్నాడు ఈ హీరో. ఏజెంట్ రిజల్ట్ చూసి, అప్పుడు కొత్త సినిమా ప్రకటించే ప్లాన్ లో ఉన్నాడు. దర్శకుడు ఎవరనేది అఖిల్ ఇష్టం. బ్యానర్ మాత్రం యూవీ క్రియేషన్స్ ఉంటుంది.