జొమాటోతో IRCTC చేతులు కలిపింది. ప్రయాణికులకు మరిన్ని ఫుడ్‌ ఆప్షన్లను అందించేందుకు ఈ నిర్ణయాన్ని తీసుకుంది. ఈ-క్యాటరింగ్‌ సేవల కింద ప్రయాణికులు తమకు నచ్చిన ఆహారాన్ని ఆర్డర్‌ చేసుకోవచ్చు. ముందుగా బుక్‌ చేసుకున్న ఆ ఆర్డర్లను జొమాటో యాప్‌ సాయంతో వారికి అందించనుంది. అయితే ప్రస్తుతానికి ఈ సదుపాయాన్ని ఐదు స్టేషన్లకు మాత్రమే పరిమితం చేసింది. రానున్న రోజుల్లో మరిన్ని స్టేషన్లకూ విస్తరించే అవకాశం ఉంది. ‘ప్రూఫ్‌ ఆఫ్‌ కాన్సెప్ట్‌ ’ కింద ప్రస్తుతానికి న్యూదిల్లీ, ప్రయాగ్‌రాజ్‌, కాన్పూర్‌, లఖ్‌నవూ, వారణాసి రైల్వే స్టేషన్లలో అమలు చేయనుంది. మరోవైపు పండగ సీజన్‌ నేపథ్యంలో రైల్వే క్యాటరింగ్‌ సర్వీస్‌ ప్రత్యేక సేవలు, ఆఫర్లతో ముందుకు వచ్చింది. నవరాత్రి సందర్భంగా ఉపవాసం చేసే వారి కోసం ప్రత్యేక ‘థాలీ’ని అందిస్తోంది.