వరంగల్‌ జిల్లాలో ఘోర రోడ్డు ప్రమాదం జరిగింది. ఈ ఘటనలో ఆరుగురు మృతి చెందారు. వరంగల్‌ నుంచి తొర్రూరు వైపు వెళ్తున్న ఆటోను ఎదురుగా వస్తున్న లారీ ఢీకొట్టింది. ఈ ప్రమాదం వర్థన్నపేట మండలం ఇల్లంద వద్ద చోటు చేసుకుంది. ఆటోలో ఉన్న నలుగురు అక్కడికక్కడే మరణించగా, ముగ్గరురికి తీవ్రగాయాలయ్యాయి. అనంతరం ఆస్పుత్రిలో చికిత్స పొందుతూ మరో ఇద్దరు మృతిచెందారు. మరొకరి పరిస్థితి విషమంగా ఉంది.
మరణించిన వారిలో ఆటో డ్రైవర్‌తో పాటు రాజస్థాన్, బిహార్‌కు చెందిన కూలీలు ఉన్నారు. ఈ కూలీలు తేనె విక్రయిస్తూ జీవనం సాగించేవారు. కాగా, ఆటో డ్రైవర్‌ శ్రీనివాస్‌ది వరంగల్‌లోని శివనగర్‌. రాజస్థాన్‌కు చెందిన అమీర్‌ ఆస్పత్రిలో చికిత్స పొందుతున్నారు. స్థానికుల సమాచారంతో పోలీసులు సంఘటనాస్థలికి చేరుకున్నారు. కేసు నమోదు చేసి దర్యాప్తు చేపట్టారు. ప్రమాదం జరిగిన ప్రదేశాన్ని వరంగల్‌ సీపీ రంగనాథ్‌ పరిశీలించారు. ప్రమాదానికి గల కారణాలను స్థానిక పోలీసులను అడిగి తెలుసుకున్నారు.