విక్రమ్‌ హీరోగా పా.రంజిత్‌ దర్శకత్వంలో తెరకెక్కుతున్న చిత్రం ‘తంగలాన్’. కర్ణాటక, కోలార్‌ గోల్డ్ ఫీల్డ్స్‌ లోని కార్మికుల జీవితాల చుట్టూ జరిగే వాస్తవ సంఘటనల ఆధారంగా దీనిని తీర్చిదిద్దుతున్నారు. తాజాగా ఈ సినిమా టీజర్‌ విడుదలైంది. ఓ తెగకు చెందిన వ్యక్తిగా విక్రమ్‌ నటన అందర్నీ ఆశ్చర్యపరిచేలా ఉంది. విక్రమ్‌ చాలా వైల్డ్గా, భయంకరంగా కనిపిస్తున్నాడు. లుక్స్, విజువల్స్, బ్యాక్ గ్రౌండ్ స్కోర్ టీజర్‌ను బాగా హైలైట్ చేశాయి. టీజర్‌ చివర్లో.. ”రక్తపాతం జరిగే యుద్ధాలతో స్వేచ్ఛ లభిస్తుంది. సన్ ఆఫ్ గోల్డ్ ఉదయిస్తున్నాడు” అంటూ క్యాప్షన్ రాసుకొచ్చారు. అయితే ఈ టీజర్‌లో ఒక్క డైలాగ్ కూడా లేదు. కానీ లుక్స్‌తో సినిమాపై భారీ అంచనాలు పెరిగాయి. పాన్‌ ఇండియా మూవీగా భారీ బడ్జెట్‌తో తెరకెక్కుతున్న ఈ మూవీ వచ్చే ఏడాది జనవరి 26న విడుదల కానుంది. ఈ సినిమాను స్టూడియో గ్రీన్, నీలమ్ ప్రొడక్షన్స్ బ్యానర్లపై కేఈ జ్ఞానవేళ్‌ రాజా తెరకెక్కిస్తున్నారు.
