టీమిండియా స్టార్‌ ఓపెనర్‌ శుభమన్‌ గిల్, సచిన్‌ టెండుల్కర్‌ గారాల పట్టి సారా టెండులక్కర్‌ ప్రేమలో ఉన్నట్లు గతంతో వార్తలు వచ్చిన సంగతి తెలిసిందే. అయితే కొన్ని నెలల నుంచి ఆ వార్తలకు కాస్త బ్రేక్‌ పడింది. కానీ ఇప్పుడు మళ్లీ ఆ వార్తలు ఊపందుకున్నాయి. దానికి కారణం వన్డే వరల్డ్‌ కప్‌. ఈ మెగాటోర్నీలో టీమిండియా మ్యాచ్‌లు వీక్షించడానికి సారా కూడా వస్తుంది. అయితే గిల్ బౌండరీలు సాధించినప్పుడల్లా సారా అమితానందంలో ఉంటుంది. ఆ టైంలో కెమెరామెన్‌ కూడా ఆమెపై ఫోకస్‌ చేయడం కొసమెరుపు. అయితే వీరిద్దరు తాజాగా ముంబైలోని ఓ హోటల్‌లో కలిసి కనిపించారు. దీనికి సంబంధించిన వీడియో నెట్టింట్లో వైరల్‌గా మారింది. హోటల్‌ నుంచి బయటకు గిల్ ఫస్ట్ వచ్చాడు. కానీ సారా మాత్రం ఎంట్రెన్స్‌లో కాసేపు నిలబడి ఉంది. అయితే ప్రేమలో ఉన్నట్లు వస్తున్న వార్తలపై వారిద్దరు ఇప్పటివరకు స్పందించలేదు.