కీలక వడ్డీ రేట్లలో ఎలాంటి మార్పు చేయలేదని, యథాతథంగా కొనసాగుతాయని రిజర్వ్‌ బ్యాంక్‌ ఆఫ్ ఇండియా (RBI) ప్రకటించింది. వరుసగా మూడోసారి కూడా వడ్డీరేట్లలో ఎలాంటి మార్పులు చేయలేదు. పరపతి విధాన కమిటీ (MPC) సమావేశాలు మూడు రోజుల పాటు కొనసాగాయి. ఈ సమావేశ నిర్ణయాలను గవర్నర్ శక్తికాంత్ దాస్ గురువారం ప్రకటించారు. రెపోరేటు 6.5 %, బ్యాంక్‌ రేటు, మార్జినల్ స్టాండింస్‌ ఫెసిలిటీ రేటు 6.75 వద్దే కొనసాగుతున్నయని తెలిపారు.
ద్రవ్యోల్బణంపై ఎంపీసీ దృష్టి సారించిందని, అయితే ప్రస్తుతం ద్రవ్యోల్బణం ఆర్‌బీఐ లక్ష్యిత పరిధి అయిన 4 శాతం ఎగువనే ఉందని శక్తికాంత్ దాస్ తెలిపారు. వృద్ధిరేటు గురించి మాట్లాడుతూ.. గత అంచనాలను అనుగుణంగా 6.5 శాతం వద్ద స్థిరంగా కొనసాగించాలని ఎంపీసీ నిర్ణయించినట్లు వెల్లడించారు. కాగా, ద్రవ్యోల్బణ కట్టడి మేరకు 2022 మే నుంచి 2023 ఫిబ్రవరి మధ్య కాలంలో ఆర్‌బీఐ రెపో రేటును 250 బేసిస్‌ పాయింట్లు పెంచిన విషయం తెలిసిందే.