పాన్ ఇండియా స్టార్‌ ప్రభాస్‌ హైదరాబాద్‌లో ల్యాండ్‌ అయ్యాడు. మోకాలి సర్జరీ కోసం యూరప్‌ వెళ్లిన ఆయన దాదాపు రెండు నెలల తర్వాత తిరిగి హైదరాబాద్‌లో అడుగుపెట్టాడు. శంషాబాద్ ఎయిర్ పోర్ట్ నుంచి ఇంటికి వెళ్తున్న ప్రభాస్‌ ఫోటో ఇప్పుడు సోషల్‌ మీడియాలో వైరల్‌ అవుతుంది. గడిచిన కొన్నేళ్లుగా బ్యాక్ టు బ్యాక్ షూటింగ్స్ తో ప్రభాస్‌ బిజీగా ఉన్నాడు. ఇవన్నీ భారీ బడ్జెట్ పాన్-ఇండియా చిత్రాలు. అంతేగాక, లాంగ్ షెడ్యూల్స్ మూవీస్‌. ఇలా కఠినమైన షూటింగ్ షెడ్యూల్స్ తో ప్రభాస్‌కు మోకాళ్ల సమస్య ఎక్కువైంది. అయితే ఆల్రెడీ ఇచ్చిన కమిట్‌మెంట్‌ల కారణంగా, ప్రభాస్‌ విరామం తీసుకోకుండా నిరంతరం షూటింగ్ చేశాడు. ఎట్టకేలకు కాస్త ఫ్రీ టైమ్‌ తెచ్చుకొని..ఇటలీకి వెళ్లి ట్రీట్‌మెంట్ చేయించుకున్నాడు ప్రభాస్‌. అయితే త్వరలోనే ‘సలార్‌’ ప్రమోషన్స్‌లో ప్రభాస్‌ కనిపించనున్నాడు. ప్రశాంత్‌ నీల్‌ దర్శకత్వంలో తెరకెక్కుతున్న ‘సలార్‌’ డిసెంబర్‌ 22న రిలీజ్‌ కానుంది.