హీరోయిన్ త్రిషపై యాక్టర్ మన్సూర్ అలీఖాన్‌ చేసిన అభ్యంతరకర వ్యాఖ్యలు తీవ్ర వివాదాస్పదమైన సంగతి తెలిసిందే. ‘గతంలో రేప్‌ సీన్లలో నటించా. ‘లియో’లో త్రిషతోనూ అలాంటి సీన్‌ ఉంటుందనుకున్నా. కానీ, లేకపోవడంతో బాధగా అనిపించింది’ అని మన్సూర్ అన్నాడు. ఈ వ్యాఖ్యలను మెగాస్టార్‌ చిరంజీవితో సహా ప్రముఖలందరూ ఖండించారు. జాతీయ మహిళా కమిషన్‌ సైతం తీవ్రంగా పరిగణించింది. అయితే త్రిషకు క్షమాపణలు చెప్పనని తొలుత ప్రకటించిన మన్సూర్.. ఆ తర్వాత సారీ చెప్పాడు. త్రిష కూడా దీనిపై పాజిటివ్‌గా రియాక్ట్ అయింది. దీంతో ఈ వివాదం సద్దుమణిగిందనకుంటే.. మన్సూర్ మరోసారి వివాదానికి తెరలేపాడు. చిరంజీవి, ఖుష్బూ, త్రిషపై కేసు వేస్తానని ప్రకటించాడు. పరువు నష్టం దావా వేస్తానని, తన లాయర్‌ ధనంజయన్‌ ద్వారా కోర్టులో కేసు వేయబోతున్నట్లు తెలిపాడు. త్వరలోనే నోటీసులు జారీచేస్తానని అన్నాడు.