లోకేశ్ కనగరాజ్, కోలీవుడ్ మోస్ట్ టాలెంటెడ్ డైరక్టర్. తన డైరక్షన్ తో ఎంతోమంది స్టార్స్‌కు హిట్స్ ఇచ్చాడు. రికార్డుల్లో బెంచ్ మార్క్ సృష్టించాడు. హీరోలకు తమ కెరీర్ లో అతిపెద్ద హిట్స్ ఇవ్వడంలో స్పెషలిస్ట్ అయిపోయాడు. కమల్ హాసన్ నటించిన విక్రమ్ సినిమా, దీనికి పెద్ద ఎగ్జాంపుల్. ప్రతి సినిమాతో తన గ్రాఫ్‌ను మెరుగుపరుచుకునే ఈ దర్శకుడు, ప్రస్తుతం విజయ్-త్రిష జంటగా లియో సినిమాను తెరకెక్కించాడు. అతడి సినిమాలకు ఓ ప్రత్యేకత ఉంది. తన మునుపటి చిత్రాల్ని, కొత్త సినిమాల్లో మిక్స్ చేస్తుంటాడు. అందుకే అతడి సినిమాలకు ప్రత్యేకంగా ‘లోకేష్ కనగరాజ్ యూనివర్స్’ అనే పేరుపెట్టారు. చాలామంది నటీనటులు, ఆ యూనివర్స్‌లోకి వెళ్లడానికి ఆసక్తి చూపిస్తున్నారు.
ఇంటర్నెట్, సోషల్ మీడియాలో అందుబాటులో ఉన్న సమాచారం ప్రకారం, సూపర్ స్టార్ రజనీకాంత్‌తో తన నెక్ట్స్ మూవీ చేయబోతున్నాడు లోకేష్. ఇప్పుడీ దర్శకుడి లిస్ట్‌లోకి ప్రభాస్ కూడా చేరిపోయాడు. ప్రభాస్‌తో చేయబోయే సినిమాతో తన యూనివర్స్ ను ముగిస్తానని లోకేష్ చెప్పడం ఆసక్తికరంగా మారింది. ప్రస్తుతానికి లోకేష్ లైనప్ ఇలా ఉంది. రజనీకాంత్ తో సినిమా, ఖైదీ-2, విక్రమ్-2, రోలెక్స్ సినిమాలు అతడి లిస్ట్ లో ఉన్నాయి. ఇవి పూర్తయిన తర్వాత ప్రభాస్‌తో సినిమా ఉంటుంది. కెరీర్ లో తను 10 సినిమాలు మాత్రమే చేస్తానని, తన చివరి చిత్రం ప్రభాస్ తోనే ఉంటుందని అంటున్నాడు లోకేష్. తాజా ప్రకటనతో ప్రభాస్ ఫ్యాన్స్ పండగ చేసుకుంటున్నారు. లోకేష్ యూనివర్స్ ప్రభాస్ సినిమాతో ముగియడం అంటే మామూలు విషయం కాదు. అందులో కమల్ హాసన్, విజయ్, కార్తి, సూర్య, విజయ్ సేతుపతి.. ఇలా చాలామంది ఉండొచ్చు. వాళ్లందరికీ మంచి పాత్రలు ఉంటాయి. నిజంగా ఇది క్రేజీ ప్రాజెక్ట్ అవుతుంది.
ప్రస్తుతం ఈ దర్శకుడు లియో సినిమా ప్రమోషన్స్ లో ఉన్నాడు. విజయ్-లోకేష్ కలిసి చేసిన సినిమా కావడంతో.. లియోపై అంచనాలు భారీగా ఉన్నాయి. ఓవర్సీస్ లో అడ్వాన్స్ బుకింగ్స్ తోనే మిలియన్ డాలర్ మార్క్ అందుకునేలా ఉంది ఈ సినిమా. ఈనెల 19న ఈ సినిమా థియేటర్లలోకి వస్తోంది.