వైవిధ్య‌మైన సినిమాల‌ను చేస్తూ త‌న‌దైన గుర్తింపు సంపాదించుకున్న టాలీవుడ్ హీరో నంద‌మూరి క‌ళ్యాణ్ రామ్. ఆయ‌న హీరోగా నటిస్తోన్న లేటెస్ట్ పీరియాడిక్ స్పై థ్రిల్ల‌ర్ ‘డెవిల్’. ‘ది బ్రిటీష్ సీక్రెట్ ఏజెంట్’ అనేది ట్యాగ్ లైన్. రీసెంట్‌గా విడుద‌లైన ఈ సినిమా గ్లింప్స్‌లో హీరో పాత్ర తీరు తెన్నులు, డెవిల్ పాత్రలో తను ఒదిగిపోయిన విధానం, ఫస్ట్ లుక్‌కి సూపర్బ్ రెస్పాన్స్ వ‌చ్చింది. దీంతో సినిమాపై అంచ‌నాలు నెక్ట్స్ రేంజ్‌కు చేరుకున్నాయి. ఇదే ఊపులో సినిమా రిలీజ్ డేట్ ఎనౌన్స్ చేశారు. న‌వంబ‌ర్ 24న ఈ చిత్రాన్ని ప్ర‌పంచవ్యాప్తంగా భారీ ఎత్తున రిలీజ్ చేయ‌బోతున్నారు. ‘డెవిల్’ చిత్రంలో ఎవ‌రికీ అంతుచిక్క‌ని ఓ ర‌హ‌స్యాన్ని ఛేదించే బ్రిటీష్ సీక్రెట్ ఏజెంట్‌గా క‌ళ్యాణ్ రామ్ కనిపించనున్నాడు.
గ‌తేడాది ‘బింబిసార’తో బిగ్గెస్ట్ హిట్ అందుకున్న ఈ హీరో, ఈ ఏడాది డెవిల్ తో మరో బ్లాక్ బస్టర్ పై కన్నేశాడు. రీసెంట్‌గా డెవిల్ హిందీ వెర్ష‌న్‌ గ్లింప్స్‌ను మేక‌ర్స్ రిలీజ్ చేయ‌గా అది సోషల్ మీడియాలో తెగ వైర‌ల్ అయ్యింది. సంయుక్తా మీన‌న్ హీరోయిన్ గా నటిస్తున్న ఈ సినిమాను నవీన్ మేడారం తెరకెక్కిస్తున్నాడు. అభిషేక్ పిక్చర్స్ బ్యానర్ పై అభిషేక్ నామా నిర్మిస్తున్న ఈ సినిమాకు హర్షవర్థన్ రామేశ్వర్ సంగీతం అందిస్తున్నాడు. తెలుగు, హిందీ, త‌మిళ్‌, క‌న్న‌డ భాష‌ల్లో ఏకకాలంలో డెవిల్ సినిమాను విడుదలకు సిద్ధం చేస్తున్నారు. శ్రీకాంత్ విస్సా ఈ చిత్రానికి మాట‌లు, స్క్రీన్ ప్లే, క‌థ అందించాడు. ఈ సినిమాకు సంబంధించి ఇప్పటికే హిందీ డబ్బింగ్ తో పాటు, నాన్-థియేట్రికల్ బిజినెస్ క్లోజ్ అయింది.