పాన్ ఇండియా స్టార్ ప్రభాస్ గాయంతో బాధపడుతున్న సంగతి తెలిసిందే. ఆయన మోకాలికి దెబ్బ తగిలి చాలా ఏళ్లయింది. కానీ బిజీ షెడ్యూల్స్ వల్ల ఆయన ఆ గాయంతోనే షూటింగ్స్ మేనేజ్ చేస్తున్నాడు. ఇన్నాళ్లకు ప్రభాస్ కు టైమ్ దొరికింది. ఆయన త్వరలోనే తన మోకాలికి సర్జరీ చేయించుకోబోతున్నాడు. ప్రస్తుతం సలార్, కల్కి సినిమాల పనిలో బిజీగా ఉన్నాడు ఈ హీరో. ఈ సినిమాల షూటింగ్స్ పూర్తయిన వెంటనే ఆయన మోకాలికి సర్జరీ చేయించుకుంటాడు. నిజానికి దీనికి సంబంధించిన టెస్టుల కోసమే ఆయన ఈమధ్య అమెరికా వెళ్లాడు. అక్కడ అన్ని రకాల పరీక్షలు పూర్తి చేయించుకున్నాడు. అలా టెస్టులు పూర్తయిన తర్వాత ఇండియాకొచ్చాడు.
సలార్ సినిమా షూటింగ్ ఆల్రెడీ పూర్తయింది. కల్కి సినిమా ప్రస్తుతం సెట్స్ పై ఉంది. వీటి షూటింగ్స్ పూర్తిచేసి, ఆయన అమెరికా వెళ్లి సర్జరీ చేయించుకుంటాడు. సర్జరీ తర్వాత 2 నెలల పాటు రెస్ట్ తీసుకోబోతున్నాడు ప్రభాస్. ఆ తర్వాతే మారుతి సినిమా తిరిగి స్టార్ట్ అవుతుంది. అన్నట్టు ప్రభాస్ పెళ్లికి, ఈ సర్జరీకి కూడా లింక్ ఉన్నట్టు తెలుస్తోంది. సర్జరీ పూర్తయిన తర్వాత తన పెళ్లి మేటర్ ను ప్రభాస్ బయటపెట్టే అవకాశం ఉందంటున్నారు చాలామంది. ఈ ఏడాది చివర్లో లేదా వచ్చే ఏడాది ఆయన పెళ్లి చేసుకోబోతున్నాడు. ఈ విషయాన్ని ఆమధ్య ప్రభాస్ కూడా బయటపెట్టాడు. తిరుపతిలో పెళ్లి చేసుకోవాలనేది ప్రభాస్ కోరిక. ప్రభాస్ పెళ్లి చూడాలనేది కృష్ణంరాజు కోరిక. కానీ ఆ కోరిక నెరవేరకుండానే ఆయన కన్నుమూశారు. ఇప్పుడా కోరిక తీర్చే బాధ్యత ప్రభాస్ పై పడింది. కుటుంబ సభ్యులంతా కోరుకునేది కూడా ఇదే.