గ్యాస్‌ సిలిండర్‌కు ఎక్స్​పైరీ డేట్​- ఎలా చెక్​ చేయాలో తెలుసా?

గ్యాస్ సిలిండర్‌ కొనుగోలు చేసేటప్పుడు.. గ్యాస్ లీక్ అవుతుందో లేదో అనో లేక బరువును చెక్‌ చేస్తుంటాం. కానీ, సిలిండర్ ఎక్స్‌పైరీ డేట్‌ను ఎప్పుడైనా చెక్‌ చేశారా? అది ఎక్కడ ఉంటుందంటే.. సిలిండర్ ​పై భాగంలో పట్టుకునేందుకు గుండ్రటి హ్యాండిల్ ఉంటుంది. దానికి, సపోర్టెడ్‌గా మూడు ప్లేట్స్ ఉంటాయి. ఈ ప్లేట్లపై లోపలి వైపు ఎక్స్‌పైరీ డేట్ ఉంటుంది. A-12, B-23, C-15, D-28.. అలా వివిధ నంబర్లతో ఉంటాయి. A అంటే జనవరి, ఫిబ్రవరి, మార్చి. B అంటే ఏప్రిల్, మే, జూన్. ఇక C అంటే జూలై, ఆగస్టు, సెప్టెంబర్. అలాగే D అంటే అక్టోబర్, నవంబర్, డిసెంబర్. ఉదాహరణకు సిలిండర్‌పై A-24 అని రాసి ఉంటే, గడువు 2024 సంవత్సరంలో జనవరి నుంచి మార్చి మధ్య ముగుస్తుందని అర్థం. ఈ విధంగా సిలిండర్‌ ఎక్స్‌పైరీ డేట్‌ను తెలుసుకోవచ్చు. సాధారణంగా LPG గ్యాస్ సిలిండర్‌ లైఫ్ టైమ్‌ 15 ఇయర్స్‌.