AsiaCup2023: పాక్‌పై కోహ్లికి ఎందుకంత కసి?

ఆసియాకప్‌(AsiaCup2023)లో పాకిస్థాన్‌తో (INDvPAK) జరిగిన మ్యాచ్‌లో భారత్‌ 228 పరుగుల తేడాతో ఘన విజయం సాధించింది. వన్డే ఫార్మాట్‌లో పరుగుల పరంగా పాకిస్థాన్‌పై భారత్‌కిదే అతి పెద్ద విజయం. ఈ మ్యాచ్‌లో విరాట్‌ కోహ్లి (Virat Kohli) తన కెరీర్‌లో 77వ సెంచరీ బాదాడు. అయితే పాక్‌తో మ్యాచ్‌ అంటే కోహ్లికి ఎనర్జీ రెట్టింపు అవుతుంటుంది. అసాధ్యమైన ఘనతలను ఈజీగా సాధిస్తాడు. తన వన్డే కెరీర్‌లో అత్యధిక స్కోరు 183 పాక్‌ జట్టుపైనే నమోదుచేశాడు. ఇక గత టీ20 ప్రపంచకప్‌లో పాక్‌పై కోహ్లి చేసిన ఛేజింగ్‌.. క్రికెట్‌ చరిత్రలోనే ప్రత్యేకం.

ఇప్పటివరకు పాక్‌పై 15 మ్యాచ్‌లు ఆడిన విరాట్‌ 55.16 సగటుతో 662 పరుగులు చేశాడు. ఇక టీ20ల్లో అయితే ఏకంగా అతడి బ్యాటింగ్‌ ఏవరేజ్‌ 81పైగా ఉంది. 10 మ్యాచ్‌ల్లో 488 పరుగులు బాదాడు. ఆసియాకప్‌లో కూడా కోహ్లి పేరిట ప్రత్యేక రికార్డులు ఉన్నాయి. ఆసియాకప్‌ 14 వన్డేల్లో 67.18 సగటుతో పరుగులు చేశాడు. వీటిలో నాలుగు సెంచరీలు ఉన్నాయి.

ఈ మ్యాచ్‌లో విరాట్‌ పలు రికార్డులు బద్దలుకొట్టాడు. వన్డేల్లో 13వేల పరుగుల మైలురాయిని అందుకున్నాడు. ఈ ఘనతను వేగంగా సాధించిన క్రికెటర్‌గా నిలిచాడు. దీని కోసం కోహ్లి 277 ఇన్నింగ్స్‌లు ఆడగా దిగ్గజ క్రికెటర్‌ సచిన్‌ తెందూల్కర్‌ 321 ఇన్నింగ్స్‌ల్లో సాధించాడు. ఇక మ్యాచ్‌ వేదిక అయిన కొలంబోలో కోహ్లి వరుసగా నాలుగు శతకాలు సాధించడం విశేషం.

Related posts

సింగరేణి బ్లప్‌ మాస్టర్‌ 3: కోట్లు ‘హరి’మనిపించినవాడు ఎలా తప్పించుకుంటున్నాడు..? సమాచారం ఇచ్చేదెవరు..?

సింగరేణి బ్లప్‌ మాస్టర్‌ 2: గ్రూప్‌ – 1 ఆపీసర్‌ నంటూ కోట్లు దండుకున్న బ్లప్‌ మాస్టర్‌.. అందుకు సహకరించిన సెక్రెటరీయేట్‌ సెక్యూరిటీ సిబ్బంది..?

సైలెన్స్‌ ప్లీజ్‌-ముగిసిన ఎన్నికల ప్రచారం