446
రజనీకాంత్‌ ‘జైలర్‌’ సినిమాలో విలన్‌గా నటించిన ‘వినాయకన్’ను కేరళ పోలీసులు అరెస్టు చేశారు. వినాయకన్ ఇబ్బంది పెడుతున్నారంటూ తాను నివాసముండే అపార్ట్‌మెంట్‌ వాసులు పోలీసులకు ఫిర్యాదు చేశారు. ఈ నేపథ్యంలో ఎర్నాకుళం టౌన్ నార్త్‌ పోలీసులు వినాయకన్‌ను స్టేషన్‌కు పిలిపించారు. అయితే మద్యం మత్తులో ఆయన పోలీసు స్టేషన్‌లోనూ గొడవకు దిగారు. దీంతో పోలీసులు కేసును నమోదు చేసి అదుపులోకి తీసుకున్నారు. వైద్య పరీక్షల కోసం స్థానిక ఆసుపత్రికి తీసుకెళ్లారు. వినాయకన్ అరెస్టు అవ్వడం ఇదేమి తొలిసారి కాదని తమిళ, మలయాళ మీడియాలో వార్తలు వచ్చాయి. ఓ మోడల్‌ను వేధించిన కారణంగా వినాయకన్‌ను గతంలో కూడా అరెస్టు చేశారని, తర్వాత బెయిల్‌పై విడుదలయ్యారనే కథనాలు వచ్చాయి. వినాయకన్.. నందమూరి కల్యాణ్‌ రామ్‌ ‘అసాధ్యుడు’తో టాలీవుడ్‌లోకి ఎంట్రీ ఇచ్చారు.
