మన అమాయకత్వమే ఎదుటివ్యక్తి పెట్టుబడి. నమ్మించి మోసం చేస్తారు. దీనికితోడు మూఢనమ్మకాలుంటే, మోసం చేయడం మరింత ఈజీ. గుంటూరు జిల్లాలో అదే జరిగింది. నగ్నంగా పూజలు చేస్తే, లక్షల్లో డబ్బు వస్తుందని ఆశ చూపించి, అమ్మాయిలపై అత్యాచారాలకు పాల్పడ్డాడు ఓ నకిలీ పూజారి.
చిలుకులూరుపేటకు చెందిన ఓ మహిళకు గుంటూరు జిల్లా పొన్నేకల్లు గ్రామానికి చెందిన ఓ నకిలీ పూజారి పరిచయమయ్యాడు. నగ్నంగా పూజలు చేస్తే లక్షల్లో డబ్బు వస్తుందని ఆశ చూపించాడు. కమీషన్ కూడా భారీగా ఇస్తానన్నాడు. దీంతో ఆ మహిళ.. కొంతమంది అమ్మాయిల్ని నమ్మించి, తీసుకొచ్చింది.
సాధారణంగా పూజలు గుడిలో చేస్తారు, లేదంటే తంత్ర పూజలైతే నిర్మానుష్య ప్రాంతాల్లో చేస్తారు. కానీ ఈ నకిలీ పూజారి లాడ్జీల్లో మాత్రమే పూజలు చేస్తాడు. యువతుల్ని నగ్నంగా కూర్చోబెట్టి, నోటికొచ్చిన మంత్రాలు చదువుతాడు. ఆ తర్వాత ఒక్కొక్కరిపై అత్యాచారాలు చేస్తాడు. లక్షల్లో డబ్బు వస్తుందని ఆశపడి, యువతులు ఈ పని చేశారు.
ఇలా విజయవాడ, గుంటూరు, ఒంగోలు లాడ్జిల్లో పలుమార్లు యువతులపై అత్యాచారాలకు పాల్పడ్డాడు ఈ నకిలీ పూజారి. తాము మోసపోయామని గ్రహించిన కొంతమంది యువతులు, దిశ యాప్ ద్వారా పోలీసులకు సమాచారం అందించారు.
సమాచారం అందుకున్న పోలీసులు, పక్కా ప్రణాళికతో ఓ లాడ్జిని చుట్టుముట్టారు. విషయం తెలుసుకున్న నకిలీ పూజారి, ముగ్గురు యువతుల్ని అక్కడే వదిలేసి పరారయ్యాడు.