ఒకప్పుడు హీరోయిన్లకు సినిమాలే లోకం. మరో ప్రత్యామ్నాయం ఉండేది కాదు. కానీ ఇప్పుడు హీరోయిన్లతో పాటు చాలామందికి ఓటీటీ ఆల్టర్నేట్ గా మారింది. ఇంకా చెప్పాలంటే సినిమాల కంటే ఓటీటీ ఆఫర్లతోనే హ్యాపీగా గడిపేస్తున్న హీరోయిన్లు కూడా ఉన్నారు. ఓటీటీలోకి ఎంట్రీ ఇచ్చిన హీరోయిన్లు ఎవరో చూద్దాం.
టాలీవుడ్ స్టార్ హీరోయిన్ సమంత ఓటీటీలోకి ఎంట్రీ ఇచ్చింది. ఆమె నటించిన ఫ్యామిలీ మేన్ సీజన్-2కు మంచి రెస్పాన్స్ వచ్చింది. ఇందులో ఆమె మహిళా ఉగ్రవాదిగా కనిపించింది శామ్. ఈ సిరీస్ తో ఆమెకు నేషనల్ వైడ్ గుర్తింపు వచ్చింది.
శృతిహాసన్ కూడా ఓటీటీ ఎంట్రీ ఇచ్చింది. పిట్టకథలు సినిమాలో ఓ మంచి పాత్ర పోషించింది. ఆంథాలజీగా వచ్చిన పిట్టకథలు ఫ్రాంచైజీలో శృతిహాసన్ పోషించిన పాత్రకు మంచి పేరొచ్చింది. ఇదే పిట్టకథలతో అమలాపాల్, ఈషారెబ్బ, అసిమా నర్వాల్ కూడా ఓటీటీలోకి ఎంట్రీ ఇచ్చారు.
కంటెంట్ బాగుంటే ఏ ఫ్లాట్ ఫామ్ పైన అయినా నటించడానికి రెడీ అని చెబుతుంటుంది సాయిపల్లవి. అందుకు తగ్గట్టే కెరీర్ పీక్ స్టేజ్ లో ఉన్నప్పుడే నెట్ ఫ్లిక్స్ లో ఓ ఆంథాలజీ డ్రామాలో నటించింది. ఇందులో సుమతి అనే గర్భవతి పాత్రలో సాయిపల్లవి నటన హైలెట్.
మిల్కీబ్యూటీ కూడా ఓటీటీలో అడుగుపెట్టింది. తొలి ప్రయత్నంగా ఆహాలో లెవెన్త్ అవర్ అనే వెబ్ సిరీస్ చేసిన ఈ ముద్దుగుమ్మ, ఆ వెంటనే ఏమాత్రం ఆలస్యం చేయకుండా హాట్ స్టార్ లో నవంబర్ స్టోరీ అనే వెబ్ డ్రామా చేసింది. రీసెంట్ గా చేసిన ఓ వెబ్ సిరీస్ లో, తమన్న రెచ్చిపోయి నటించింది.
కాజల్ కూడా ఓటీటీలో అదృష్టాన్ని పరీక్షించుకుంది. లైవ్ టెలికాస్ట్ అనే హారర్ డ్రామాలో నటించింది. ఇది పెద్దగా క్లిక్ అవ్వకపోయినప్పటికీ.. ఓటీటీ ఎంట్రీ తనకు మంచి కిక్ ఇచ్చిందని చెబుతోంది కాజల్. ఇకపై కూడా ఓటీటీ తన ప్రయారిటీ లిస్ట్ లో ఉంటుందని చెప్పుకొచ్చింది.
రాశిఖన్నా కూడా ఓటీటీలోకి ఎంటరైంది. షాహిద్ కపూర్ తో కలిసి ఆమె చేసిన ఓ వెబ్ సిరీస్ సూపర్ హిట్టయింది. ఇదే ఊపులో మరో 2 ఒరిజినల్స్ కు కూడా ఓకే చెప్పింది ఈ బ్యూటీ.
పాయల్ రాజ్ పుత్, హెబ్బా పటేల్ కూడా ఓటీటీలో ఎంటర్ అయ్యారు. పాయల్ ఇప్పటికే ఓ ఒరిజినల్ మూవీతో ఓటీటీలో ఎంట్రీ ఇచ్చింది. ఇక హెబ్బా పటేల్ కూడా ఓటీటీలోకి వచ్చేసింది.
సినిమా అవకాశాలు తగ్గడంతో.. ఓటీటీలో అదృష్టాన్ని పరీక్షించుకుంటోంది ఈషా రెబ్బా. చేతిలో 2-3 ఓటీటీ ఆఫర్లతో బిజీగా ఉంది. ఒకప్పటి అందాల తార మాధురీ దీక్షిత్ కూడా ఓటీటీలోకి ఎంటరైంది.
హీరోయిన్లు జూహీ చావ్లా, ఆయేషా జుల్కా కలిసి ఓటీటీ స్పేస్ లోకి వచ్చారు. వీళ్లిద్దరూ కలిసి హుష్ హుష్ అనే థ్రిల్లర్ డ్రామాలో నటించారు. వీళ్లిద్దరికీ ఇదే తొలి ఓటీటీ డెబ్యూ. ఇటు సౌత్ లో కీర్తిసురేష్ కూడా ఓటీటీలోకి వచ్చేసింది.
దబంగ్ లో పోలీస్ భార్యగా నటించిన సోనాక్షి ఇప్పుడు తనే స్వయంగా పోలీస్ గా మారింది. ఆమె నటించిన ఒరిజినల్ మూవీ అమెజాన్ ప్రైమ్ లో స్ట్రీమింగ్ అయింది. మంచి గుర్తింపు కూడా వచ్చింది. త్వరలోనే ఇలియానా కూడా ఓ వెబ్ సిరీస్ తో నెటిజన్ల ముందుకు రాబోతోంది.
