ఈవారం రెండు మిడ్ రేంజ్ సినిమాలు రిలీజ్ అవుతున్నాయి. అవే రామబాణం, ఉగ్రం సినిమాలు. ఈ రెండు సినిమాలకు ఓ ప్రత్యేకత ఉంది. అదేంటంటే.. రెండూ హిట్ కాంబినేషన్ లో వస్తున్నసినిమాలే.
గోపీచంద్, దర్శకుడు శ్రీవాస్‌ల కలయికలో వస్తున్న మూడో చిత్రం ‘రామబాణం’. ఇంతకుముందు ఈ ఇద్దరూ కలిసి “లక్ష్యం”, “లౌక్యం” చేశారు. ఆ రెండూ భారీ విజయాలు సాధించాయి. ఇప్పుడు ముచ్చటగా మూడోసారి కలిశారు. హ్యాట్రిక్ పై కన్నేశారు. ఈ సినిమాతో గోపీచంద్, శ్రీవాస్ హ్యాట్రిక్ పూర్తి చేస్తారా అనేది మరో 24 గంటల్లో తేలిపోతుంది.
“నాంది”తో నరేష్ కామెడీ నుండి సీరియస్ పాత్రల వైపు మళ్లాడు. ఈ చిత్రం కమర్షియల్‌గా, విమర్శకుల విజయాన్ని అందుకుంది. విజయ కనకమేడల దర్శకుడిగా ఇది తొలి చిత్రం. అలా అల్లరి నరేష్, విజయ్ కనకమేడల కలిసి సూపర్ హిట్ కొట్టారు. ఇప్పుడు రెండో ప్రయత్నంగా ఉగ్రం సినిమాను తెరకెక్కించారు. శుక్రవారం థియేటర్లలోకి వస్తోంది ఈ మూవీ.
ఇలా ఈ వారాంతం విడుదలవుతున్న సినిమాలు రెండింటిలో హిట్ కాంబినేషన్లు రిపీట్ అవుతున్నాయి. వీటిలో ఏ కాంబినేషన్ క్లిక్ అవుతుందో చూడాలి. రెండూ క్లిక్ అయితే టాలీవుడ్ కు మంచిరోజులొచ్చినట్టే.
